لك جبيني قاع
|
يايبه جبيني لك قاع وصدري لـك ممـر
طاعتك مـن بعـد ربـي فريضـة واجبـه
|
|
يايبـه يفـداك قلـبـي وروحــي والعـمـر
وان بقى شيٍ من ايامي خذها لـك هبـه
|
|
يايبـه إن غبـت عنـي دموعـي تنهـمـر
واحبس العبرات فيني ولوهي صايبـه
|
|
يايـبـه فـراقـكـم مـــر والـغـربـه أمـــر
نارهـا شبـت بقلـبـي وروحــي لاهـبـه
|
|
طال ترحالـي وطالـت مسافـات السفـر
مامعـي فيهـا مرافـق ولا لـي صاحـبـه
|
|
مر ثلـث العمـر والقلـب مايـوم إستقـر
أشهد الفرقة مرارة منها روحي ذاهبه
|
|
مكتبـي ذاك الصغيـر كـان يتبنـا الفكـر
كان حلمي به كبير وتمتدحني الطالبـه
|
|
واشهد إن العلم ذاك لي درسته ماثمـر
حسبي الله كيف صارت علومي خايبه
|
|
لجل وجه الله بصبر ومـن يصبـر ظفـر
إسـأل الله الثبـات والدعـاء لـي يايـبـه
|
|
يايبـه ليـت الليالـي مايفارقـهـا القـمـر
ليـن ترحالـي يطـول النـجـوم الغايـبـه
|
Wapher
del.icio.us
الرحال المهاجر
